დღეს უნივერსიტეტის პირველ კორპუსთან ჩავჯექი პატარა ყვითელ ავტობუსში, რომელსაც მარშრუტი თავისუფლების მოედნის მიმართულებით ჰქონდა. ავტობუსში შესვლისთანავე ჩემი ყურადღება მიიპყრო ერთმა დათვივით გაბურძგნულმა წვეროსანმა ადამიანმა. გავიფიქრე, ალბათ სოციალურად გაჭირვებული და ღატაკი მოქალაქეა. ისე მოხდა, რომ მის გვერდით აღმოვჩნდი და ვხედავ ანაფორა მოსავს აღნიშნულ მოქალაქეს და თან ფსკვნილს მარცვლავდა. მის გვერდით ვიჯექი და ყველაფერს ცხადად ვხედავდი და ცუდმა სუნმაც შემაწუხა. ეტყობა რამდენიმე თვის დაუბანელი იყო და ტანსაცმელიც საკმაოდ შელახული და ჭუჭყიანი ჰქონდა. ქაშუეთს, რომ მივუახლოვდით პირჯვარი გადაიწერა მხოლოდ ერთხელ, სხვა მოქალაქეებმა კი სამ-სამჯე ჯერ გადაიწერეს. შემდეგ მე გამომხედა, ალბათ უნდოდა ეთქვა ტაძარს ეს-ესა ჩავუარეთ და პირჯვრის გადაწერა გმართებს თუ ქრისტიანი ხარო. სავარაუდოდ რომელიღაც მემხოლოეთა სავანიდან იყო ქალაქს გამოგზავნილი. რატომ აღვნიშნე ეს მოვლენა? მაშფოთებს, მორჩილებისა და ბერების ასეთი უსუფთაობა და გაცხიმულ მიწებებული წვერებით სიარული. ხომ შეიძლება, რომ თმა-წვერი ნორმალურად შეიკრიჭონ და სუფთად გამოიყურებოდნენ? რა თქმა უნდა შეიძლება და შესაძლებელია. ფულიც აქვთ, მიწებიც აქვთ, ბიზნესიც აქვთ, სამოთხის ბილეთებსაც გასცემენ, ჯიპებიც აქვთ, სახელმწიფო 20 მილიონი ლარით აფინანსებს ბიუჯეტიდან... მოკლედ ყველაფერი აქვთ და მაინც ჩასვრილები და სუნიანები დადიან გამონაკლისების გარდა. ვინც გამონაკლისია ისინი კი გაზულუქებული და გაფარფაშებული მღვდელმთავრების კასტას განეკუთვნებიან. ასეთი პრივილეგირებული ფენის სულ რამდენიმე რგოლი ცხოვრობს ფაშასავით და მორჩილთა და მონათა რიგები ემსახურებიან... უსამართლობა და უთანასწორობა სუფევს არასამთავრობო ორგანიზაცია საქართველოს საპატრიარქოში... თქვენი აზრი მნიშვნელოვანია მოქალაქენო..
2011 წლის 11 03, პარასკევი, 23:58-ზე
2011 წლის 11 03, პარასკევი, 23:58-ზე
No comments:
Post a Comment